Зөлфәт Зиннуровтан борчак ашы рецепты

Борчак ашы пешерү өчен ингредиентлар: 800 грамм тирәсе ысланган (копчёный) ит, 2 стакан борчак, 3 суган, 2 кишер, 4-5 бәрәңге, көнбагыш мае, тәмләткеч.

Ит белән борчакны яхшылап юарга. Итне кәстрүлгә салырга һәм тулганчы су салып утка куярга. Кайнап чыгуга өстеннән туртасын җыеп алырга да 1 сәгать сүрән утта кайнатырга. Шулпага туралмаган килеш 1 суган һәм 1 кишерне салырга, тагын 30 минут кайнатырга.

Ярты сәгать узуга кишер белән суганны алып ташларга һәм бәрәңге салырга. 5-10 минуттан өстенә үсемлек маенда табада вак итеп турап кыздырган суган белән кишерне, дәфнә яфрагы һәм кара борчак борыч салып 10 минут тирәсе кайнатырга да, уттан алып, капкач белән каплап куярга.

«Тәлинкәләргә бүлгәч, өстенә тәмләткеч үләннәр салсагыз бик тәмле була», — ди журналист.

 https://intertat.tatar/news/cooking/18-01-2022/z-lf-t-zinnurovtan-borchak-ashy-retsepty-5847194