Авылның яңгырлы, караңгы кичләре...

Шундый көнне редакциягә Тәнзилә апа Закирова  килеп керде. Элек кино күрсәткән Тәнзилә апа. "Яңгыр, кар димәдем -- менә шушындый яңгырлы кичләрне дә кино күрсәттем", - дип сөйләп китте ул. Элекке пычрак, караңгы урамлы авыл клублары күз алдына килдеме? Ә Тәнзилә апа алды-артлы ташып кино күрсәтә. "Әле генә больницада, Арчада түгел, дәваланып чыктым, - дип сүзен дәвам итте ул. - Ә мин анда тик ятмадым, кино күрсәттем. Дискларым күп минем. Индийскийлары да, бандитлар турындагысы да, тегендиләре дә бар. Коридорда зур телевизор. Дискны куясың да, җыелышып  карыйсың. Авыртулар да онытылып тора. Яратып карадылар. Кино күрсәткән өчен караучылар акча да бирделәр әле. Хатын-кызлар һинд киноларын ярата, ә ир-атларга тегендиләре (көлә) кирәк...

Менә шундый тынгысыз җан ул Тәнзилә апа.