“Рус җыры” халык вокаль ансамбле Рөстәм Миңнеханов исеменнән сертификат белән бүләкләнде

Шимбә көнне “Рус җыры” халык вокаль ансамбле “Каравон” рус халык фольклор фестивалендә катнашты, дип хәбәр итә район Мәдәният идарәсе.

Быел 30нчы тапкыр үткәрелүче фестиваль Лаеш районы Никольское авылында узды.

“Рус җыры” ансамбле коллективы мәдәниятка керткән өлеше һәм 50 еллык иҗат юлы өчен "Татарстан Республикасы Рус милли-мәдәни берләшмәсе" региональ иҗтимагый оешмасының Арча бүлекчәсе тарафыннан (җитәкчесе Л.Васильева) хуплау алып, үрнәк иҗади коллективлар исемлегенә тәкъдим ителгән булган.

Һәм “Каравон” фествиалендә "Рус җыры коллетивы" иҗади күрсәткечләре өчен  ТР Президенты Рөстәм Миңнеханов исеменнән 400 000 сумлык сертификат белән бүләкләнде.

Чын күңелдән котлыйбыз!