erid:LgsiSnffX
Арск-Информ

Арча районы

18+
Рус Тат
2024 - Гаилә елы
Яңалыклар

«Балалар хәзер мәктәпкә дә, балалар бакчасына да барырга курка»

Тыныч тормыш белән яшәп яткан бикләнлеләр өчен кичәге иртә чын мәхшәргә әйләнә. (Лилия Гайнуллина, Ватаным Татарстан)

Иртәнге сәгать тугызларда авылдагы урта мәктәптә белем алучы барлык балаларны да эвакуациялиләр. Баксаң, билгесез кеше республиканың Мәгариф һәм фән министрлыгына, Тукай районы Биклән урта мәктәбе электрон адресына белем йортын шартлату белән янап хат юллаган. Ачыкланганча, ул 1 млн сум акча таләп иткән.
— Сеңелем урта мәктәпнең сигезенче сыйныфында белем ала, - дип сөйләде безгә шул авылда яшәүче Рөстәм Хәйдаров, - Ватс апп аша ул, безне өйгә кайтарып җибәрделәр, мәктәпне шартлатырга җыеналар икән, дип язып җибәрде. Мәктәп белән янәшәдә генә балалар бакчасы да, минем кызым шунда тәрбияләнә. Барлык ата-аналар белән беррәттән, бар эшемне ташлап бирегә чаптым. Беренчеләрдән булып монда идем инде. Полиция, МЧС, ашыгыч ярдәм табиблары да килеп җиткән. Белүемчә, ул-бу була калса диптер, мәктәп янында урнашкан өйләрдә яшәүчеләрне дә өйләреннән чыгып торырга кушканнар. Авыл да зур безнең, 1500 кеше яши. Урта мәктәптә 146 бала укый. Махсус хезмәтләр карап чыкты биналарны, бәхеткә, бернинди шартлаткыч табылмады. Әмма кемнеңдер коточкыч шаяртуы аркасында ата-аналар һәм балалар хәзер мәктәпкә дә, балалар бакчасына да барырга курка. Бер көн эчендә бу хәбәр бөтен авылның астын өскә китерде.

Без әлеге хәбәргә ачыклык кертер өчен Тукай районы хакимиятенә, мәгариф идәрәсенә шалтыраттык. Әмма биредә әлегә тикшерү бара, берни әйтә алмыйбыз, диюдән узмадылар. Татарстан Эчке эшләр министрлыгында исә, куркыныч хәбәр җибәргән авторның шәхесен ачыклау буенча тикшерү эшләре бара, дип хәбәр иттеләр.
Фото: видеодан скриншот

Реклама
erid:2Vtzqwy9AuJ erid:2Vtzqwy9AuJ

 http://shahrikazan.ru/news/yazmalar/balalar-da-khzer-mktpk-d-balalar-bakchasyna-da-baryrga-kurka

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X